Ժողովրդավարական ուժերի հարթակը՝ ի դեմս «Հայաստանի Եվրոպական կուսակցության», «Հանրապետություն» կուսակցության, «Հանուն Հանրապետության» կուսակցության, «Քրիստոնեա-ժողովրդավարական կուսակցության», առաջարկում է առաջիկա 3-4 ամսվա ընթացքում կազմակերպել հանրաքվե Եվրամիությանը Հայաստանի անդամակցության հարցով:

ՀԵՎԿ նախագահ Տիգրան Խզմալյանը կարծում է, որ հանրաքվեն այն եզակի պահն է, որ ժողովուրդը պետք է խոսի. «Անցյալը չի կարող հաղթել ապագային. հանրաքվեն այն եզակի պահն է, որ ժողովուրդը պետք է խոսի»։ Խզմալյանը նաև կարծում է, որ հանրաքվեի համար ազնվություն, կամք է պետք. «Ամենամեծ ծառայությունը մեզ մատուցեց Պուտինը, նրա դավաճանության շնորհիվ հայ ժողովուրդը բուժվեց հավկուրությունից։ Այս պահին երկիրը կփրկենք ոչ թե իշխելով, այլ ծառայելով։ Դա պետք է հասկանա և ընդդիմությունը, և իշխանությունը»։